ឆាឡុកឡាក់សាច់គោ - ម្ហូប ខ្មែរ

#ឆាឡុកឡាក់សាច់គោ

#គ្រឿងផ្សំ

• សាច់គោ យកសាច់ផុយ ( ហាន់ជាដុំរឺបន្ទះស្ដើងៗ តាមការចំណូលចិត្ត )
• ទឹកត្រី ស្ករស ម្សៅស៊ុប ទឹកប្រេងខ្ចង ម្រេច
• ម្សៅឆា យកមកលាយជាមួយទឹកបន្តិច កូរអោយរលាយចូលគ្នាអស់
• ខ្ទឹមស ចិញ្ច្រាំ
• បន្លែ : ត្រសក់ ប៉េងបោះ ខ្ទឹមបារាំង ហាន់ស្ដើងៗ និង សាលាឡាត់

#វិធីធ្វើ

១. យកបន្លែមករៀបដាក់ចានអោយស្អាត រួចទុកមួយអន្លើរ

២. យកសាច់មកលាយជាមួយ ទឹកត្រី ស្ករស ម្សៅស៊ុប ទឹកប្រេងខ្ចង និង ម្រេច ច្របល់អោយសព្វចូលគ្នា

៣. ដាក់ប្រេងឆាចូលក្នុងខ្ទះទុកអោយក្ដៅ រួចដាក់់ខ្ទឹមសចូលបំពងអោយឈ្ងុយ បន្ទាប់មកដាក់សាច់ដែលច្របល់ជាមួយគ្រឿងហើយចូល កូរអោយសព្វ ( បន្ថែមទឹកបន្តិចបើស្ងួត ) ទុកអោយឆ្អិនបន្តិច រួចភ្លក់មើលអោយល្មមតាមការចូលចិត្ត បន្ទាប់មកដាក់ម្សៅឆាចូល កូរអោយសព្វ ឡើងខាប់ 

៤. បន្ទាប់មកដួសដាក់ពីលើចានបន្លែដែលយើងបានត្រៀមទុកនោះហើយ រួចជាការស្រេច ។

Credit: @មុខម្ហូបប្រចាំគ្រួសារ

សូមមើលពីរបៀបធ្វើនៅទីនេះ៖